Bas yuhin..

Yaad ka kya hai..
Bewafa hai
Unke sath bhi aati hai
Aati hai unke baad bhi...

Unke sath ye yaad aata hai
Ki unke bina kaise the..
Unke bina ye yaad aata hai
Ki unke sath kaise the....

Ek yaad hai...
Jo har waqt aa jati hai
Ek saans hai...
Jo har waqt ruk jati hai

Ek neend hai...
Jo berukhi ho chuki hai
Ek khwab ki duniya hai...
Jo unki ho chuki hai

Bas ek zindagi hai sath mere
Jo chali jati hai
Kisi tamanna me mere sath
Chup-chap jiye jati hai...