Chalna hai mujhe...

Anjan dagar par
Kabhi to rukega yeh safar
Na jane kis mod par,
Lekin ruk nahi sakta
Chalna hai mujhe...

Har bar yeh raste
Kuch anjan chehre banjate,
Par shayad yeh raste
Mujhe kuch apna sa mante,
Inhi raston ki pahachan ke liye
Chalna hai mujhe...

Kabhi pucha nahi inhone
Kaun hoon main
Puchte to bhi kya batata main,
Apni koi pahchan khojne
Chalna hai mujhe...

Ek rasta ruka kahin
Aur doosra chal pada,
Waqt ki tarah
Jo thaka nahi kabhi,
Sath dene tanha waqt ka
Chalna hai mujhe...

Jab bhi mile hai yeh raste
Daman phela kar,
Har bar sine se lagaya,
Lekin phir bhi phir ek bar
Chalna hai mujhe...

Har rahi ke sath
Milon chale hai yeh,
Par phir bhi
Har bar karte hai intzar,
Kuch kadam sath nibhane
Chalna hai mujhe...

Sirf chalne ke liye har bar
Chalna hai mujhe...